Dyddiad: Chwefror 14, 2025
Wrth i ni ddathlu Wythnos Genedlaethol Prentisiaethau, mae Read Construction yn falch o dynnu sylw at un o’n prentisiaid mwyaf newydd, Ethan Jones, a ymunodd â ni ym mis Medi fel Prentis Saer. Mae Ethan yn cychwyn ar daith gyrfa gyffrous gyda Read, gan ddilyn yn ôl traed ei dad, Eilian Jones, a ddechreuodd ei yrfa yma hefyd fel Prentis Saer nôl yn 1996.
Mae Eilian, sydd bellach yn Rheolwr Safle llwyddiannus, wedi adeiladu gyrfa drawiadol gyda Read dros bron i dri degawd. Wrth fyfyrio ar ei daith, rhannodd:
“Dechreuais yn Read yn 16 oed ac rwyf wedi gweithio hyd at rôl rheolwr safle. Gyda chymorth pawb yn Read, rydw i wedi dod yn bell. Nawr 29 mlynedd yn ddiweddarach, mae hanes yn ailadrodd ei hun gyda fy mab.”
Mae stori Eilian yn dyst i ymrwymiad Read i feithrin talent a chefnogi dilyniant gyrfa. Trwy ein rhaglenni hyfforddi mewnol ac ymroddiad i ddatblygiad proffesiynol parhaus, esblygodd Eilian o fod yn brentis saer i fod yn rheolwr safle yn gyfrifol am oruchwylio prosiectau gwerth miliynau o bunnoedd.
Yn Read, rydym yn credu’n gryf mewn meithrin y genhedlaeth nesaf o weithwyr proffesiynol medrus. Ar hyn o bryd, mae 11% o’n gweithlu wedi cofrestru ar brentisiaeth ffurfiol, a dechreuodd 31% o’n gweithwyr, sy’n drawiadol, ar eu taith gyda Read fel prentis. Mae hyn yn amlygu ein hymrwymiad i fuddsoddi mewn talent a darparu llwybrau gyrfa ystyrlon o fewn y diwydiant adeiladu.
Dywedodd y Cyfarwyddwr, Karen Heaton-Morris:
“Rydym yn gredinwyr cryf mewn cyflogi’r bobl iawn ar gyfer ein cwmni, a chefnogi eu twf a’u datblygiad trwy hyfforddiant rheolaidd, mentora, a chyfleoedd, gan ganiatáu iddynt ffynnu a gwneud cynnydd.”
Wrth i Ethan gychwyn ar ei daith, edrychwn ymlaen at ei weld yn datblygu ei sgiliau ac yn tyfu o fewn y cwmni, yn union fel y gwnaeth ei dad. Mae ei stori yn dangos y cyfleoedd sydd ar gael yn Read ac yn amlygu gwerth prentisiaethau wrth lunio dyfodol adeiladu.
